الكلمة الأولى
أظهرت ناس من الاخوان عايزين تربية من جديد ودول اللى عرضوا مشاكل على الملأ ، لأن الجماعة مسديتش الباب على الانتقادات الداخلية.
وانا واحد من الناس اللى عندهم انتقاد على فضيلة المرشد لكن هوصله عن طريق قنوات شرعية داخلية.
الكلمة التانية
انا بحس ان التمكين قرب لما مواضيع داخلية للجماعة يهتم بها الاعلام.
السلام عليكم : ده أول موضوع أحطه على مدونتى مش انا اللى كاتبه ، بس ده موضوع أثر فيا واللى كاتباه ابنة مربي فاضل ليا.. الدكتور جمال عبد الواحد والموضوع ده للأمانه جايبه من شرقاوي بس انا حبيت أفرده لساحة المدونين
------------------------------------------------------------------------------------------------------
ازيكم وحشتونى جدا
انا جاية بقى النهاردة علشان اقولكم على كام حاجة
هبدأ بحاجة انا كتبتها اول امبارح اسمها بحبك يامصر
بحبك يامصر
ياام الدنيا
بحبك يامصر
يابلدى الحلوة
مهما تعملى فيا انا مش زعلانة
بحبك وبحب شعبك وبحب ارضك
وبحب نيلك وبحب ازور اهرماتك واثارك الخالدة
وبحب كل حاجة فيكى وبحب اللى يحبك
وبرضو مهما تعملى فيا انا مش زعلانة
عارفة ليه
علشان انت بلد عظيمة فيكى كل الخيرات وبشكر ربى انى عشت فيكى
تاريخك عظيم وشعبك جميل
بنى الاهرامات وصنع حضارات وكمان عبر قناه السويس
والاجانب بييجوا يزوروكى علشان يشوفوا اثارك
عرفتى ليه انا بحبك يامصر
انا مش زعلانة منك خالص
بس رجعليلى بابا خلاص
*******************************************************
والتااااااااااااااااااانية انا اخدت شهادة تقدير النهاردة من المدرسة
انا كنت عايزة احطها هنا بس ربنا يسامح بقى الناس
اللى اخدت الكمبيوتر التانى بتاعنا والطابعة وكل حاجة تبع بابا
المهم
انا كنت فى المدرسة ووافقة فى الطبور وبعد التمارين قبل مانقول علم مصر
لقيت المدير بيقول احنا بنحب نكرم البنات والاولاد المتفوقين
ولقيته بيقول اول اسم ايثار جمال عبد الواحد
انا اتخضيت لما نادى اسمى والله وبعدين سلم عليا
وادانى شهادة تقدير شبه اللى فى الصورة دى هى مش شبهها اوى يعنى
ودا لانى متفوقه علميا واخلاقيا وادانى
كماان برواز كبييير عليه ورد جمييل خالص
انا اتبسط خالص وروحت وقولت لماما وهى باستنى وفرحت خالص
وقالتلى شوفتى البنات الشاطرة اللى بتذاكر وبتسمع الكلام وبتحفظ القرأن
المدرسين بيكونوا مبسوطين منها خالص وبيدوها شهادات تقدير
وكمان لما تذاكرى بابا هيحبك وهيكون مبسوط وعايزينك كدا تكونى متفوقة كمان وكمان
********************************************************
دى بقى علشان العيد هههههه
هى صور عجبتى خالص وضحكتنى فقولت احطها هنا
دا عاوزة يلبسوا ويعمل الحمار خروف العيد هههههه
دا هربان من الجزار وراح يسكن مع البطريق
ودول مبسوطين وبيرقصوا ههههههه علشان مش هيدبحوا
***********************************
وكماااااان عايزة اقول حاجة على بابا والله بابا طيب خالص ومش وحش زى مافيه ناس فاكره بابا عمره ماعمل حاجة وحشة ولا زعل حد وبيحب الخير لكل الناس والبلد كلها زعلت لما بابا اخدوه بابا دا انسان عظيم اصلا لانه محدد يوم فى الاسبوع لازم ياخدنا يفسحنا وبيروح الشغل فى العيادة او المستشفى وكمان بيروح والجامعة وبيرحع يذاكر علشان الاستاذية .
ومش معنى انه اخده الاعتقال يبقى حد وحش او انه مهمل فينا او مش عاملنا اهتمام ، بالعكس والله لو كان مشغول يفضى نفسه علشانا ويقعد يذاكرلى ويحكيلى قصص ويلعب معانا انا واريج ومبزعلناش خالص
هو عمره ماعمل حاجة غلط علشان ياخدوه هو لما ينصح الناس ويقولها دا صح ودا غلط كدا يبقى وحش لا
بس هو اخدوه ظلم هو كان معزوم عند واحد صحبوا وهما قاعدين بياكلوا جم الظباط واخدوهم كلهم من البيت بتاع صاحبواوالظابط اداهم افراج علشان هما مش عليهم ذنب بس هما بقى مش رضيوا يطلعوا بابا ربنا يسامحهم بقى
وانا حاطة الصورة وكل مرة هحطها علشان هو بيوحشنى فباجى اشوفوا وامشى 
واخر حاجة بقى
كل سنة وانتم طيبيييين
ويارب العيد يكون سعيد
وكمان انا هبقى اجى احكى ايه عن يوم العيد
انا خلاص هلبس هدوم العيد
وهنزل اتفسح وهروح اصلى
وهعمل كل حاجة بابا قالى عليها
دا بابا حبيبى هو حياتى هو عنيا انا من غير بابا بحس ان حاجة نقصانى
ياااااه لو تعرفوا انا كنت فرحانة ومبسوطة قد ايه ان بابا اخد افراج
رحت انا واريج وجبنا زينة وعلقناها فى الشقة
وجبنا لوح وكتبت عليها وحشتنى يابابا وبحبك اوى ربنا يخليك لينا
وفضلنا مستنيين بابا وبابا مجاش
اتصلنا على عمو المحامى قال فيه محكمة بكرة تانى وبعديها اتصل علينا وقاااال افراج والحمد لله
فرحت اوى وقعدت اتنطط انا واريج وفضلنا مستنيين بابا وبابا لسة مجاش
رجعت النهاردة من المدرسة لقيت ماما بتعيط واخواتى
بسالهم قالولى بابا اخدووووووه تانى
مع ان القاضى قالهم انكم افراج لانكم مفيش دليل على كلام الظباط
ورغم كدا اخدوا واخدوا روحى معااه انا مسكت نفسى ومرضتش اعيط وجيت اكتب لكن عيطت لانه هيوحشنى اوى
ولانه مش هيحضر معانا العيد
عارفييين هما كانوا 25 طلعوا 20 واعتقلوا 5 ومنهم بابا وكمان ودوه برج العرب اللى فى اسكندرية دى
مش حرااااااام عليهم اللى بيعملوه دا
يحرمونى من بابا طب يحضر معانا العيد بس
بعد مافرحنا نكودا علينا حسبى الله ونعم الوكيل
ودى انا واريج اخر مرة بابا كان فيها معانا
اخدنا دريم بارك وفسحنا ولعبنا مش عارفة هيرجع تانى ويلعبنا ويفسحنا ولا لا ربنا يرجعك بالسلامة
طب كانوا يقولوللنا هيفضل بعيد عننا لغاية امتى لكن هما قالوا اعتقااال طب لغاية امتى ؟؟
ياترى هيطلع وانا لسة صغيرة
ولا هيطلع لما اكبر
ربنا يرجعه بالسلاااامة
انا قولت انى هعمل حفلة وهتكون فيها حلويات بس خلاص بقى معلش وانا هصبر وهقول يارب زى ماعادل قالى اتعودي اي حاجة تجي وحشة لاقدر الله اعرفي ان ده عشان ربنا منع الاوحش منها وهقول زى مافقرى قالى قولى يارب تبقى احسن يا بلدى
ومش هزعل زى مازهور الامل قالتلى
انتي المفروض انك تفتخري بابوكي لانهم اخدوه في شيء يشرف وهو انه بيدعي لطريق الهداية والدين والاسلام
وهقول زى ماقال يوسف انا لله وانا اليه راجعون
بسم الله الرحمن الرحيم
"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ ﴿155﴾ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ﴿156﴾"
وهعمل زى مادكتور احمد قالى
عمرى ماهضعف ولا اعيط ولا اى حاجة
وهذاكر وانجح وهكمل حفظ القرأن وهخلى بالى من اريج ومن ماما واخواتى وهسمع كلامهم ومش هزعلهم ابدا
ودعواتكم بقى علشان فيه نونو جاى قريب
بس كان نفسى يجى وبابا موجود
يااترى هترجع امتى يابابا ؟؟؟
هسمع صوتك تانى ؟؟؟
هحضنك تانى ؟؟
انتوا عارفين ايه اللى صبرنى ان الظابط الطيب اللى كان مع بابا فى العربية خلاه يتصل علينا ويكلمنا ويطمن علينا وعلشان كدا انا مبسوطة شوية
هو قالى البسى هدوم العيد وانزلى وروحى صلاة العيد والعبى وروحى المراجيح زى كل سنة
انا قولت مش هروح بس هو خلانى اوعده
انا عندى امل انه يطلع قريب
معلش والله انا كنت عاملة المدونة دى علشان اكتب فيها القصص بتاعتى بس هما جم اخدوا بابا بس بقى قولت اكتب فيها كمان اللى مزعلنى وبكتب فيها كل حاجة
المدونة : http://barbie-girle.blogspot.com/
السلام عليكم ورحمة الله وبركاته
بادئ ذي بدء أقدم اعتذاري لكل من شارك أو سعى لمشاركة في الحملة ، فقد توقفت عنها لظروف خاصة أحمد الله -عز وجل- عليها.
أعتذر للأخت الاء محيي ، الأخ عمار ياسر، الأخ صقراوي ، الأخ محمد أشرف، الأخ أسد الله على السعي للمشاركة ، وان شاء الله أجرتم بنياتكم.
الحملة كانت من أجل استثمار وقت الصيف لما فيه من توقف الأعمال الدعوية الخاصة بالجامعة ، ثانيا للحالة المتردية التى لحقت بها منتديات شرقاوي أون لاين .. حتى صارت الكليات غرفة حوار مفتوح بين الطلاب والطالبات في مواضيع تخالف النهج الاسلامي حتى أصبح كما ذكرت سالفاً .." غرزة "..
مشهد 1 : عند المنعطف مكتوب على الأسفلت "STOP" ، عم محمود - سائق سيارة قسم الإتصالات – يضغط فرملة السيارة حتى توقفت تماماً ثم بدأ يحركها مرة أخرى.
أثار فضولي ذلك لسؤاله متعجباً وهل تقف لمجرد كلمة مكتوبه على الأرض ؟ لا أحد يمر من أمامك حتى تقف ولا يوجد ضابط مرور يلومك !!
مشهد 2: لافته معلقه في ناحية مكتوب عليها "مكان للتدخين" !!!
مشهد 3 : نائب رئيس مجلس الإدارة يرحب بالطلاب القادمين للتدريب ويدخل عليهم مرتديا الزي الموحد "اليونيفورم" الذي يرتديه من أدنى عامل لأعلى منصب في وقت العمل ؛ فلم نستطع معرفته حتى قدمه لنا من بجواره.
مشهد 4 : جميع المواقع الإباحية وغرف الشات مغلقة على جميع أجهزة الحاسب وكذلك تنقية للقنوات الفضائية.
مشهد 5 : عمال منطقة العمل الواحدة يبيتون في شقة واحدة ، فتصير عشرة وتعايش حتى قال لى أحد العاملين "رغم ان عمك – رئيسهم بالعمل - شديد علينا في الشغل لكن لما بنقعد معاه نتسامر في الشقة نجده كالأب الحنون ومبيشدش علينا غير عشان مصلحتنا"
مشهد 6 : كنا ثلاثة طلبنا العودة قبل انتهاء مدة التدريب لظروف؛ فلم يجدوا لنا مكانا بالأتوبيس فحجزوا لنا ثلاث مقاعد بالطائرة مجاناً والتى تعدل تذكرتها "400 جنيه مصري"
مشهد 7 : في صالة الطعام "الميز" يسألنى أحدهم "انت تعيين جديد؟" أجبت "لا أنا تدريب" ، فدعا "ربنا يرزقك بالشغل هنا، هنا الشركة كويسه جدا وبتحترم العاملين"
انا حاسس اني عملت مسرحية من المشاهد ومحدش فهم حاجه بس أبدأ أوضح .
الكلمة التى قد تكون غريبه على بعض الناس هي "جابكو" وده أسم شركة بترول خليج السويس "مساهمة مصرية إدارة بريطانية".
من الله علي بالتدريب بها العامين الماضيين وتعلمت فيها أشياء كثيرة في خارج مجال الدراسة قد تفضل المجال نفسه.
تعلمت كيف تنجح الإدارة وكيف يتعامل الغرب لتحقيق نجاح المؤسسة.
ففي المشهد الأول: وجدت أحترام العاملين بالشركة للقوانين بصورة قوية جدا سواء خشية العقاب - هناك ذاكرة تسجل كل حركة وكل سرعة تسير بها الناقلة - أو لحبهم للشركة، فاحترموا القوانين ولو في أبسطها مثل دخول صالة الطعام بـحذاء غير مناسب كـ "الشبشب"!!!.
وفي الثاني : التمست الحرص على صحة الأفراد بتخصيص أماكن للمدخنين حتى لا يؤذوا غيرهم، بل يتم سؤال المتقدم للعمل عن كونه مدخن أم لا ؟
وفي الثالث : رأيت التواضع من قيادات الشركة بل ومهندسيها أمام كل من هو أقل منه في رتبة العمل حتى وجدت مهندسين وإداريين يبارزون العاملين بالخدمة المنزلية "الهوم سيرفس" في لعبة "كرة التنس" بل ويؤمونهم في الصلاة.
وفي الرابع : وجدت الحرص على وقت العاملين بالشركة فمنعوهم من الشات وكذا السهر أمام القنوات والمواقع الإباحية .
وفي المشهد الخامس : نظرت تحقيق روح الأخوة والتعايش والتكافل بين أفراد منطقة العمل الواحدة حتى تحققت أركان الأسرة البناءة.
وفي السادس : تخطيط لمستقبل الشركة بحسن معاملة المتدربين وإعطائهم كامل التوقير.
وفي الأخير وضح لنا هذا العامل نتيجة كل ذلك على الأفراد؛ فجعلهم يحترمون الشركة وقوانينها والعمل بها بل ويتمنون لأحبابهم العمل بها.
ولكي يكون جميع عمال مصر بنائين مهتمين بعملهم مثل هؤلاء يجب توفير لهم .
1 – الراتب المناسب والمماشي لأسعار المنتجات بالأسواق فلا يساوي المرتب = 5 كيلو لحمة.
2- تنظيم أوقات العمل لهم فبشركة جابكوا يعمل الفرد أسبوعين فقط من الشهر (12 ساعة/يوم) واسبوعين للراحة.
3- توفير بدلات مناسبة للسفر والمخاطر والحوافز وغيره.
4- القوانين سهلة التطبيق والأحكام للمخالف تردعه عن فعلها دون محاباه أو واسطة أو مجاملة.
5- توفير مناخ ايماني مناسب وتعبدي فتقام الصلاة في كل مكان وفي جميع الأوقات، وكذا منع المحرمات كالدخان والمواقع والقنوات الفاضحة .
حسبي أذكر أن إذا اقتدت شركات مصر بـ "جابكو" لعل الحال يصير أفضل وأفضل بإذن الله تعالى.
قد أغيب عنكم اسبوعين قادمين فتدريبي 27/6 بنفس الشركة وأدعوا الله أن يوفقنا لما يحب ويرضى فجو الشركة جو ايماني قد يخلوا من المعاصي، وهو سبيل لرفع الهمم والعزائم وليوفقني الله فأعود بخطة متقنة لإستثمار الأجازة الصيفية على النحو الأمثل.
سأحاول متابعة المدونة من هناك على قدر المستطاع وبخاصة حملة إرجاع هوية شرقاوي بالموضوع السابق.
السلام عليكم ورحمة الله ، أدخل في الموضوع علطول.
لو حبيا نعمل مقارنة بين المنتديات والمدونات، هنلاقي ان المنتديات تفضل المدونات في حاجات قوية جدا .
منها
- اعداد القارئين للموضوع كثيرا مايزيد وخاصة إن كان المنتدى يزوره أعداد كبيره.
- وكذلك قدم المواضيع في المنتديات قد تفتح للنقاش رغم مرور أعوام أما معظم المدونات ينسى أرشيفها.
- ويزيد على ذلك كون المنتديات تقبل اضافة مواضيع متعددة في اليوم الواحد بخلاف المدونة التى تحتاج لوقت حتى يقرأ زملائك الموضوع.
بصراحة المنتديات ليا فوائد عظيمة جداً ودول اللى خطروا على بالى ومش عايز أستطرد في الفوائد.
أنا كنت سمعت ناس من حبايبنا بيفكروا يقفلوا منتدى شرقاوي وقول أحدهم عليه "غرزة" وكان لي رأي في احدى الأيام أن مايحدث على ساحة شرقاوي من مخالفات للشرع تمنعنا من أن ندعوا إليه او فقط نعلن عنه في مدرجاتنا؛ "فلا يجوز أن ندعوا لباطل".
أنا أول لما دخلت اعدادي عرفت شرقاوي وشاركت في المنتدى بصورة كويسة وكنت أشارك بإسم "وا اسلاماه" واتعرفت على ناس أكبر مني من خلال المنتدى وكانت ناس كويسة جداً.
كنت باحترم أرائهم وكنا بنفتح مواضيع نقاشية في قضايا مهمة يحتاجها كثييييير من أبناء الدعوة ووصلني كثير من المفاهيم عن طريق هذا المنتدى.
أنا اعرف ناس دلوقتي من كبار المدونين ومنهم في الصحافة العالمية كانت بدايتهم "مراسل تحت التمرين" في شرقاوي أون لاين، ولعلكم تعرفونهم جيداً بس انا مش عايز أذكر أسماء.
مر شرقاوي اللى معظمنا خرجنا منه بفترات اختراق وفترات تغيير قواعد بيانات وفترات أفقدته أعضاؤه اللى هوا في الأساس معمول عشانهم، ودخل عليه ناس كتير مبقاش هدفهم إلا التعارف على الجنس الأخر وفتح حوارات وشات وشوفت بعيني في احدى مواضيع الكليات رسائل غرامية يتبادلها أولاد مع بنات في صورة شات.
بجد أنا نفسي منتدى شرقاوي يرجع زي زمان ومش هيرجع إلا لما ناخد بإيدين بعض ونشارك في المنتدى بفاعلية مع بعض.
للأسف دلوقتي ممكن تحط موضوع هادف وقل من يقرأه بخلاف موضوع هايف يقرأه الكثير ويتفاعلون معه، وانا مبقولش ان كل أعضاء شرقاوي اليوم وحشين لا طبعا بس شرقاوي اليوم لا يمثل الواجهة المشرفة لأصحابه ولم يعد ممثل لأبناء الدعوة بالجامعة .
طبعاً مش عايزين نعلق الشماعة على الإدارة لأن الإدارة دورها رقابي أكثر أما المشاركات وصبغ المنتدى بالصبغة الإسلامية ده دورنا احنا وربنا هيحاسبنا عليه.
أسف انى طولت عليكم لكن في الأخر انا أقترح تكوين رابطة قوية لها اسم وشعار وأهداف واجتماعات دورية على الإنترنت تتابع جيداً المنتدى وتشارك بجدية.
انا بجد مستعد وزي ماقولت مش عايز أكون لوحدي ، ياترى مين ممكن يكون معايا؟، ومن عنده اقتاح أفضل؟ ، ومين شايف ان الموضوع من اساسه ملوش لازمة؟ ..... منتظر تعليقاتكم.
تلقيت الموضوع وكأني لم أسمع شيئا فليست هذه المرة الأولى التي توجه فيها الافتراءات للأستاذ عمرو، ولكن طلبت من زميلي أن يدعه من تلك المواضيع التى ليس لها أي هدف سوى بيان فرقة وتنازع الدعاة للإسلام وخاصة أكثرهم شعبية في العالم حسان وعمرو خالد، مما ينعكس أثره على كثير من الشباب في قولهم "كل واحد يعمل اللى على مزاجه ماهو الشيوخ مبيتفقوش".
أجابني "أنا مبجيبش حاجة من عندي والفيديو اهه اتفرج عليه بنفسك" ، لم يكن انتشر هذا الفيديو بالصورة الموجودة حاليا، ولم أكن رأيته من ذي قبل ؛ فاشترطت عليه ان إذا اقنعته برد ألا يعود لمثل هذه المواضيع.
شاهدت الفيديو وكان فيه أ.عمرو خالد يصف النبي بالفشل في رحلة الطائف وأن الله عزوجل ابتلاه بالفشل حتى يصبر على هذا الابتلاء ويعلمنا كيف يكون الإصرار على النجاح.
الشيخ حسان "ميجيش واحد فاشل يطلعلى على قناة فضائية ويقول النبي فشل، انت اللى فاشل واللى سمحلك تطلع على قناة فاشل".
رجعت لزميلي وقولتله "الموضوع بسيط تقدر تعرفلي الفشل؟" فقالى "مش عارف، هات مـ الأخر عايز تقول ايه"
رديت عليه ان الفشل ليه تعريفين
التعريف الأول لدى عامة الناس ، وهو صفة مذمومة لا يحب أي انسان ان يوصف بها ، وهو المعنى الذي وصل حسان.
التعريف الثاني عند علماء التنمية البشرية وهو "الفشل أولى خطوات النجاح"، وهو المعنى الذي تحدث به عمرو خالد.
لا شك أن الأول صفة مذمومة والنبي لايوصف بصفة مذمومة، والثاني صفة محمودة والنبي يوصف بكل محمود. رغم أن الكلمة واحدة وهي "فاشل".
منذ بضعة أسابيع وجدت عمي يفاتحني بهذا الموضوع فرددت عليه بما سبق ولكنه أجابني بأن الأستاذ عمرو يخاطب فئة من الناس لا تعرف إلا الفشل المذموم فلذلك يجب عليه انتقاء الألفاظ حتى لا يسوغ اللفظ على ألسن العامة.
اليوم وعند الحلاق فاتحني في نفس الموضوع وأن الشباب يتناقلون ذلك المقطع من الفيديو عبر تكنولوجيا البلوتوث.
اليوم وبعد أن انتشر هذا الفيديو أعود لأقول وجهة نظري كما هي، وليصحح نيته كل من يساعد على نشر هذا الفيديو؛ فأعداد من رأت المقطع ولم تسمع الحلقة قد تزيد عن عشر أمثال من سمعوها.
الشيخ حسان من واجبه أن يرد على كل من يخطئ في الدين ولكن يتحقق من ذات الخطأ، الأستاذعمرو يجب أن يضع في حسبانه أن كل كلمة يقولها محسوبه إما له أو عليه، في وقت انتشر فيه مروجوا الفتن ومضعفوا الهمم ومثبطوا العزائم، فكثر من ينقل هذا الفيديو ولم يسمع لحسان أو عمرو أي محاضرة، بل وقد تجده لايفقه أحكام الصلاة أو لايحسن الوضوء.
تقدم لخالتي الصغرى شاب ملتزم من بيت مسلم وبعد القبول وقبل الخطبة وجه أبوه لخالتي نصيحة، وقال لها.
اعلمي يا بنيتي أن حياة الملتزمين تقابلها كثير من الإبتلاءات، وقد تجدين في أي وقت اقتحام جهاز أمن الدولة لمنزل خاطفاً زوجك مصادراً أمواله، بل قد تربين أبناءك وزوجك خلف أسوار المعتقلات، ثم استطرد في الحديث حتى كاد للسامع أن يخاف من كثرة هذه الإبتلاءات.
قطع الكلام خالى الأكبر وقال ولكن يا شيخ حسن من يسمعك يشعر بأن حياة الملتزمين حياة شاقة، ولكن بفضل الله إنها أفضل حياه، ففيها الزوج يراعي حق الله في زوجته وأولاده وكذا الزوجه تعينه على الطاعة وتصون عرضه في غيابه وتربي أبناءه خير تربية.
بفضل الله يخرج الأبناء من تربية البيت وتربية الحلقات المسجدية بارين بآبائهم، لا يعرفون للمعاصي طريقا، تجتذبهم الدنيا بأهوائها وشهواتها ولكنهم على الحق مرابطين.
وإن كان من محنة وابتلاء فرأينا الزوجة التى تنحني لتقبل يد زوجها مودعة إياه قبل اعتقاله أمام ضباط أمن الدولة حتى قال أحدهم ليتني مكانك.
ورأينا الأبناء وهم يشجعون أباهم في محنته قائلين "أبي أنت حر وراء السدود .. أبي أنت حر بتلك القيود ... إذا كنت بالله مستعصما ... فماذا يضيرك كيد العبيد؟"
نعم يا إخواني هذا هو البيت المسلم الذي يحيا حياه يحسده عليها غيره، بل لو علمها الملوك لجالدونا عليها.
" بيتي مسلم " كان عنوان أول مدونة لي وهو اليوم سلسلة من المواضيع أقدمها للعالم حتى يعلم صنع الإسلام في البيت الذي هو أساس المجتمع والدولة .
أتمنى من الله عزوجل أن تحقق الأهداف المرجوة منها، والله من وراء القصد، والله أكبر ولله الحمد.
خرجت الرحلة في ثلاث أتوبيسات + ميني باس على مستوى كلية الهندسة، وليس
العدد بالكثير فأذكر أن خرجت من اربع سنوات في ثمان أتوبيسات.
حصل في الرحلة موقف غريب جدا، فأثناء تواجدنا في حديقة الفسطات فوجئنا
بسيارة شرطة بيضاء تقف بجوارنا ليخرج منها ضابط شرطه ومعه عساكر لينظر ماذا نصنع.
والغرابة هنا في تواجد مثل هذه السيارة في هذا المكان ودخولها لتتجول
بمتنزه أو حديقة عامة ثم ترصد أفعال الطلاب.
وكان أشد إعجابي بمن أسرع ليمسك المايك ليقدم فقرة ملائمة لطبيعة الوقت.
سريعاً ما توقفت فقرة الاسكتش والذي كان يتحدث بصورة كوميدية عن حال الحكام
العرب في مؤتمراتهم .. سأترككم للمشاهدة.
فيديو الاسكتش ودخول سيارة الشرطة تدفع أحد الأفراد لإيقافه
تم تغيير نوع الفن المقدم وفتح المجال للطلاب بالمشاركة وهذا مقطع مضحك يمثل اثنين لديهما مشكلة في السمع
اعادة المقطع ليقدمه طالب أخر وعودة الأول لتقليد ممثلين (بالمقطع ستظهرسيارة الشرطة)
شعر مضحك صوت صفير البلبل
شعرت بخروجنا عن الجو الإسلامي فاستأذنت أن ألقى شعرا عن الثبات وعلو الهمة
