أهي ماشية

أيام تروح وأيام تيجي ......... وأهي ماشية

ناس فوق ، وناس تحت ،وبرضه ماشية

ناس مطحونة ، وناس مردومة ، وناس مرتشية

ولو قولت لأ و ليه ؟ ، فانت تبع الثورجية

انا مش عايز أغوط ، لحسن أقلبهم عليا

.

.

.

.

انا عارف ساعة الجد مبتفرقش معاهم اخوانجية أو خمورجية

وتتحول السجون معتقلات ، ويقولك دي سياسات دولية

ينطولك قبل الفجر ، وكأن معندهومش غير وردية ليلية

يا عم الظابط استنى عليا ، دا النهارده ليلة الصباحية

ياهلى و ياجيراني ، خدوا بالكوا من العيال ، وبطلي صويت يا ولية

.

.

.

.

انا مبخافش من حد طالما انها ماشية

برضاهم غصب عنهم هتفضل ماشية

وهاعرف كل الناس وأقول ماشية .. أهي ماشية