السلام عليكم ورحمة الله ، أدخل في الموضوع علطول.
لو حبيا نعمل مقارنة بين المنتديات والمدونات، هنلاقي ان المنتديات تفضل المدونات في حاجات قوية جدا .
منها
- اعداد القارئين للموضوع كثيرا مايزيد وخاصة إن كان المنتدى يزوره أعداد كبيره.
- وكذلك قدم المواضيع في المنتديات قد تفتح للنقاش رغم مرور أعوام أما معظم المدونات ينسى أرشيفها.
- ويزيد على ذلك كون المنتديات تقبل اضافة مواضيع متعددة في اليوم الواحد بخلاف المدونة التى تحتاج لوقت حتى يقرأ زملائك الموضوع.
بصراحة المنتديات ليا فوائد عظيمة جداً ودول اللى خطروا على بالى ومش عايز أستطرد في الفوائد.
أنا كنت سمعت ناس من حبايبنا بيفكروا يقفلوا منتدى شرقاوي وقول أحدهم عليه "غرزة" وكان لي رأي في احدى الأيام أن مايحدث على ساحة شرقاوي من مخالفات للشرع تمنعنا من أن ندعوا إليه او فقط نعلن عنه في مدرجاتنا؛ "فلا يجوز أن ندعوا لباطل".
أنا أول لما دخلت اعدادي عرفت شرقاوي وشاركت في المنتدى بصورة كويسة وكنت أشارك بإسم "وا اسلاماه" واتعرفت على ناس أكبر مني من خلال المنتدى وكانت ناس كويسة جداً.
كنت باحترم أرائهم وكنا بنفتح مواضيع نقاشية في قضايا مهمة يحتاجها كثييييير من أبناء الدعوة ووصلني كثير من المفاهيم عن طريق هذا المنتدى.
أنا اعرف ناس دلوقتي من كبار المدونين ومنهم في الصحافة العالمية كانت بدايتهم "مراسل تحت التمرين" في شرقاوي أون لاين، ولعلكم تعرفونهم جيداً بس انا مش عايز أذكر أسماء.
مر شرقاوي اللى معظمنا خرجنا منه بفترات اختراق وفترات تغيير قواعد بيانات وفترات أفقدته أعضاؤه اللى هوا في الأساس معمول عشانهم، ودخل عليه ناس كتير مبقاش هدفهم إلا التعارف على الجنس الأخر وفتح حوارات وشات وشوفت بعيني في احدى مواضيع الكليات رسائل غرامية يتبادلها أولاد مع بنات في صورة شات.
بجد أنا نفسي منتدى شرقاوي يرجع زي زمان ومش هيرجع إلا لما ناخد بإيدين بعض ونشارك في المنتدى بفاعلية مع بعض.
للأسف دلوقتي ممكن تحط موضوع هادف وقل من يقرأه بخلاف موضوع هايف يقرأه الكثير ويتفاعلون معه، وانا مبقولش ان كل أعضاء شرقاوي اليوم وحشين لا طبعا بس شرقاوي اليوم لا يمثل الواجهة المشرفة لأصحابه ولم يعد ممثل لأبناء الدعوة بالجامعة .
طبعاً مش عايزين نعلق الشماعة على الإدارة لأن الإدارة دورها رقابي أكثر أما المشاركات وصبغ المنتدى بالصبغة الإسلامية ده دورنا احنا وربنا هيحاسبنا عليه.
أسف انى طولت عليكم لكن في الأخر انا أقترح تكوين رابطة قوية لها اسم وشعار وأهداف واجتماعات دورية على الإنترنت تتابع جيداً المنتدى وتشارك بجدية.
انا بجد مستعد وزي ماقولت مش عايز أكون لوحدي ، ياترى مين ممكن يكون معايا؟، ومن عنده اقتاح أفضل؟ ، ومين شايف ان الموضوع من اساسه ملوش لازمة؟ ..... منتظر تعليقاتكم.
16 Comments:
السلام عليكم
انا لسه مقرأتش الموضوع بس جميله اوى الخطبه اللى شغاله جزاكم الله خيرا
هقرأ الموضوع إن شاء الله
السلام عليكم
تكوين رابطة قوية لها اسم وشعار وأهداف واجتماعات دورية على الإنترنت تتابع جيداً المنتدى وتشارك بجدية.
جميله أوى الفكره
ممكن حضرتك تحط تصور ليها وتعرضه على المدونه؟
وان شاء الله يكون دعوه قويه للمشاركه فى منتدى شرقاوى
فكرة حضرتك رااائعة
لان المنتدى فعلا محتاج يرجع تانى
شرقــــــــاوى
له مكانة خاصة عندى
واسأل الله ان يعينا على الاصلاح والتغيير به
ليرجع كما كان من قبل
يمثل شباب مسلم ملتزم صح
جزاكم الله خيرا على فكرة حضرتك
وان شاء الله مشاركة
الأخت حفيدة البنا ....
جزى الله خيرا دكتورنا راغب السرجاني ، محاضراته قيمة جدا وموقعه www.islamstory.com
موقع مميز جدا أنصح الجميع بمتابعته
وننتظر مشاركة حضرتك بالموضوع.
الأخت تلميذة سلمان الفارسي.
انا كنت ممكن أضع تصور كامل بس انا تقريبا ذكرت الهدف الرئيسي ، ووضع الخطة النهائية دي اتمنى يضعها أفراد الرابطه أو الحملة لأن هما اللى هينفذوا.
الأخت ألاء محيي جزاكم الله خير على الاستجابة.
بس وسط منتدى فيه تكتلات وتحزبات عايزين عدد أكبر.
ياريت حضرتك تحطي موضوع على مدونتك بيه أو حتى رابط للصفحة دي عشان نشوف مين كمان ناوي يشارك.
الموضوع سيظل مفتوحا للمشاركات والأراء وسأضع له لينك خارجي وسأجري اتصالات بزملائي خارج اطار المدونات ... وأعاننا الله وإياكم لما فيه خير .
معك ان شاء الله
بشمهندس عمار ياسر جزاكم الله خيرا
كده العدد تلاتة وان شاء الله إلى الأمام
وانا تعديت صلاحياتي وعملت لوجو ووضعته مؤقتا على المدونة عبال لما نجتمع أول اجتماع ونشوف مين معانا مصمم كويس
ممكن لو حد يضعه على مدونته أو يعمل موضوع جديد وربنا معانا...
الاخت تلميذه سلمان حضرتك معانا ?
والله جزاكم الله خيرا يا أخ محمد موضوع متميز وفعلا احنما محتاجين الحملة دي لأن فعلا المنتدى بتاعنا بقى حالاه مزري جدا وبإذن الله يوصل شرقاوي للصورة المثالية اللي كلنا نفسنا فيها .. أنا معاك يا افندم
صقراوي ,,,, نسعد بوجودك معنا :)
Avec vous
جزاكم الله خيرا يا أسد الله
بس انت مين ؟؟؟
ممكن لو مش عيز تعرف نفسك تراسلني على الميل
amr_ammar6@yaho.com
وأنا كمان معاك يا شوادفي بس ياريت نبدأ وبإذن الله مدونتي الجديدة جيل العزة معاك
جزاكم الله خيرا أخانا الفاضل على الفكرة
للأسف كتير مننا مش فاهم المنتدى ليه أنشئ وحتى اللى فاهمين بيتجاهلوا الموضوع
المنتدى لم ينشأ لنا نحن الملتزمين لنتحاور مع بعضنا البعض أو نتشاور
ولكن كان الهدف من إنشائه هو جذب أكبر عدد من غير الملتزمين ومن ثم توجيههم ودعوتهم ,,
دخولنا المنتدى كان لسبب دعوى مش علشان المنتدى مش مهم أو موضوعاته مش عادت عجبانى او او ,,
علشان كده احنا مش عايزين الناس اللى فى المنتدى (الغير ملتزمين مثلا) يمشوا
بالعكس عايزينهم يفضلوا وعايزين نشاركهم وبقوة ,,عايزين نحاول نغير فيهم وده على فكرة كان واضح جدا زمان وانا أعرف أكتر من أخت التزموا بسبب المنتدى وعارفة انا بأقول ايه
عايزين كل واحد يبقى على المنتدى (أخ إلكترونى)
وكل واحدة تبقى (أخت إلكترونية)...وتانى دخولنا المنتدى مش كان لمجرد الإستفادة والحوار مع طبقة الملتزمين لكن كان هدفه إفادة وهدف دعوى بشكل خااااص علشان كده نحن بالإنتظار....بإنتظار عودتكم إلى المنتدى من جديد
بإنتظار حملتكم ومشاركتكم
وجزاكم الله خيرا
جزاكم الله خيراً
Post a Comment