واحد أعرفه رايح يخلص أوراق سفر، فلقي عدد كبير جدا والمخبر عمال يخلص في فيش لناس معارف وهما وواقفين من زمان،حب يشد مع المخبر، الضابط اتدخل فبيقوله انت بتتخانق ليه قاله اصل المخبر بياخد فيش واحنا واقفين من زمان، فقاله عادي مانا معايا تلاته في جيبي !!!
وأكمل الضابط: البلد بلدنا واحنا نعمل اللى احنا عايزينه !!
الغريب مش في كلام الضابط ولكن في الجرأة اللى أكسبها ليه قانون الطوارئ.
رد عليه صاحبي وقاله ، مانا عارف انها بلدكم واحنا سايبنهالكوا ومسافرين، بس خلصونا.
طبعا دي مشكلتنا كشعب مصري ، ايقنا ان معادش نافع تغيير فردي والحكومة تمنع العمل الجماعي، فالحل "الطفشان"
9 Comments:
الناس هتعمل ايه بس يا مهندس
ربنا يقدم اللي فيه الخير
◘ فقاله عادي مانا معايا تلاته في جيبي !!! " بجاااحة بلا حدود "
◘ شوف يا أستاذنا الغالي .. اللي عنده إيمان ويقين بالله سبحانه وتعالي عارف ان التغيير مش مستحيل...
هو ممكن يكون بعض الناس أصابها اليأس ،لكن الحكاية توصل لـ " يقين " !!!؟؟
(مــش عـارف!!)
,وجالك قلب توقف جنب مخبر
وامام ظابط
دا نتى فدائى
بكل بجاحة بيردوا
و كمان بيقولوا ان البلد
بتعتهم حسبنا الله و نعم الوكيل
بس احنا حنفضل فيها و حقنا
فيها مش حيضيع جزاك الله خيراً
اخى اعلى الموضوع
تحياتى لك
البلد بلدنا و تييت أبوهم يا بشمهندس
بس مش كلهم طبعاً
مشكور مرورك يابو أشرف
أحمد سعيد حبيبي .. اليقين في عدم صلاحية التغيير الفردي .. لكن الجماعي هوا اللى أظن فيه أمل ..
كلام على بلاطة .. أهم حاجه ميبقاش ارهابي ..
سلسبيل .. جوزيتم خيرا على الحرص على مصلحة الوطن
الدكتور انس .. حلوة تيت ابوهم دي :)
اها
حلو الكلام
يااارب نشوف تغيير جماعي
ياااارب
واحشني كتيير والله ياهندسة
Post a Comment