طبعا الصورة دي مش حقيقية ولا ترجمة الكلام
بس كان ممكن تبقى حقيقية وتنشر بكل لغات العالم ، يوم لما جت الفكرة عبارة عن طرفة وفكرت في كيفيتها واتقدمت بيها للمهندس أحمد الديب - مهندس اتصالات يعمل بأحدث تكنولوجيا الاتصالات التي تحاول أن تصل اليها بلادنا "Voice over IP/Y-max"
شاف الفكرة شبه مستحيلة ، الفكرة ضربت في دماغي أكتر ، روحت بيها للدكتور محمد فؤاد -أشهر الدكاترة بإتصالات الزقازيق في الجانب التطبيقي- وقاللى صعبة ، رغم انى فصصتهاله حته حته وقولتله قوللى صعبه في ايه ؟ قاللى وايه المطلوب منى قولتله تساعدنى قاللى اعملها وربنا معاك.
طبعا الكلام ده كله خد حوالى شهرين ، فوجئت بعدها ان الفكرة تم تطبيقها بواسطة علماء اليابان طبقا لما نشرته صحيفة
"لو النظام بيشجع ويصرف على الإبتكار والبحث العلمي مكانش زمان حال مصر بقى كده ، وانا مش زعلان على فكرة كنا هنسبق بيها اليابان، أكتر ما أنا زعلان على هدم الروح المعنوية وعدم توفير المناخ المناسب للطلاب على الإبتكار"
15 Comments:
ببساطة
انت في مصر
ماتنساش المعلومة دي تاني
خير حبيبي في الله محمد قدر الله وما شاء فعل ان شاء الله ربنا يقدرلك مشروع اختراع حاجة أكبر وأفضل من كده ونفع الله بك الإسلام والمسلمين
لاحول ولا قوة إلا بالله
أنا متغاظة جدا جدا جدا جدا
حضرتك فكرتنى (مع الفارق طبعا فأنت أضفت احنا جمعنا معلومات بس) المهم افتكرت دكتور الجغرافيا الطبية اللى كان بيدينى قال اعملوا خريطة صحية لمحافظة الشرقية وانهمكنا بحثا وتنقيباوخدت أنا ومجموعتى مركز منيا القمح المهم طلعت عنينا فى الآخر الدكتور اتكرم بسبب الخريطة المتكاملة واحنا ادانا جيد بلا فخر روحتله قالى عادى هيا نتيجة يوم القيامة .. وعجبى
معلش طولت .. عامة أنا مش هقول لحضرتك كبر دماغك وفكك منهم وكده
لا طبعا شغل دماغك أكتر وجدد النية لله وفى يوم من الأيام إن شاء الله هنلاقى اعلانات لك ولمجهودك العلمى ونقول الحمد لله ربنا عوضه وأكرمه بأفضل مما أراد وربنا ينفع بك .. لا تحزن ولا تيأس فالله معك .. لعلها أول زيارة لكن مدونة متميزة ربنا يتقبل
وربنا الفكره دي كانت بتأتيني كخاطر
بس مكنتش عارفه خالص ممكن تتنفذ ازاي
بس طالما جتهدت ربنا هيكرمك بغيرها
وحقك قلبك يتحرق
بس معلش خطوة خطوة
الخطوه دي فكرنا قبل مانستلهم الافكار منهم مره
الخطوة الجايه نحاول ننفذ ونفشل
اللي بعدها ننجح
صبرااااا
بس اجتهد اكتر
خلي الفكره الجايه
ازاي تحس باللمس عن طريق التليفون او التلفزيون مثلا
على فكره كنت بفكر في موضوع الشم زي دي كده ومكنتش اعرف اي آليه
يمكن نلاقيهم نفذوا دي
جزاكم الله خيرا أيها المبدع
نرجوا منكم نشر بنر اتحاد اطباء العرب على وجه السرعه من مدونتى
اوعي تتشاءم
استمر ..
وقبل ما تروح للناس عشان يساعدوك
ادعي رب الناس .. وتوكل عليه
وشوف هيعمل معاك ايه !!
دمت مبدعا ومخترعا
مش لازم تيأس أبدا
استمر في ابتكاراتك ... وفي يوم من الأيام
هتلاقي اللي يهتم بيها
ومتنساش :
" لا يضيع الله أجر من أحسن عملا "
سعدت بزيارة مدونتك الأكثر من رائعة
أحمد سعيد بسيوني
خديجة عبد الله
دعوة الفردوس
م الحسيني لزومي
اخواني وبحب بلادي
ذات النطاقين
مرمر مرمورا
سعدت جدا بردودكم واسف على اني متابعتهاش نظرا لفترة الامتحانات العصيبة اللي عدت عليا
جزاكم الله خيرا ودمتم بخير
ده الإيميل بتاعى
alienhunter_2010@yahoo.com
أخي سيكر جزاكم الله خيرا
بس اللى انت متعرفوش عنى اني في تانيه ثانوي عملت اختراع ونجح وبيعته بعشر أضعاف تكلفته.
انا الحمد لله مخالط لسوق العمل من ساته ابتدائي أيام ماكنت بفك موتور العربية وأخد منه المغناطيس وأجيب برادة حديد من عند سكة حديد القطر واعمل تجربة توزيع المجال المغناطيسي وأفرجها لزمايلي.
لله الحمد وأعوذ به من الكبر، انا اتعاملت مع سوق العمل وبتعامل معاه دلوقتي وليا مشروعي اللى بحقق منه أرباح شهرية.
انا عارف كويس قوي اللى انت بتتكلم فيه ،واسف انى هحذف تعليقك لأنى مقبلش زوار مدونتى يتقال عليهم كلمة زي اللى قولتها.
وجزاكم الله خيرا على الرد
أنا أسف إذا كنت كلمه(موش مقصوده) زعلتك
بأمر الله أنا قصدى خير
يارب كلمتى السخيفه موش تعطلك عن النظر فى نصيحتى وتحاول تعمل بيها
أتمنالك المزيد من الإختراعات
وربنا يوفقك
جزاكم الله خير على الاهتمام وان شاء الله أعمل بالنصيحة
ما شاء الله
مقالة تفرح اوى بجد
ربنا يوفق حضرتك دايما و يجعل حضرتك فخر للاسلام
واحلام حضرتك باذن الله كلها هتتحق قريب جدا
مبسوطه جدا ان مصر فيها مبدعين كده
يا رب يديم على حضرتك نعمه و يعزك ويكرمك
ويجعل شباب امتنا كلهم زى حضرتك
جزاكم الله خيرا يا أخت اسماء على الدعاء الطيب ، ويارب يتقبل منا صالح الأعمال ويجعل بلدنا منارة لتصدير العلم والعلماء
Post a Comment