بسم الله الرحمن الرحيم
النهارده انا بكتب رساله من نوع خاص
رسالة أتمنى من الله عزوجل أن تزيل الشكوك من عند الكثير من الناس حول الاخوان
عشان ما أطولش كل اللى حصل انى زورت مقر الكتلة البرلمانية بالشرقية في احدى الأيام ، وكعادتى مازلت أرفع شعار "مع الاخوان متنكسفش" وهو من أوائل المواضيع التى كتبتها على المدونة
دخلت على المطبخ ، عشان أشرب محدش يفتكرني استغلالي :) ، انا متوقع هلاقي تلاجة أحدث نوع فوق الـ 16 قدم - ماهو دعم أمريكا للإخوان كتير - فوجئت بالتلاجة اللى قدامكم دي
طبعا أنا استغربت ، ازاي أعضاء مجلس شعب ودول تلاته مش واحد بس ويبقى عندهم تلاجة ومقشة وسلة مهملات مش على مستوى ، ولحقت نفسي وقولت ياواد يا محمد العبرة في اللى جواها متغركش المظاهر .
فتحت التلاجة وكانت صدمة تانية بالنسبالى ، شوفوا معايا
قولت خلاص مش هنعرف نقلب حاجه من المنطقة دي ،وبسرعه لحقت نفسي قبل ماليأس ينتابني وقولت "الهوبر بتبقى في الفريزر" ، ودي كانت صورة الفريزر
طبعا نابي طلع على شونة ، دخل عليا الاخ "حسيني ابراهيم " كان هوا كمان هناك ،ولقيته بيفتح التلاجة بعد لما انا قفلتها ، قولتله "على فكرة ازازة الفيروز الحبة اللى فيها معروفين وأي نقص هيتهمونا بيه " رد عليا وقاللى "الازازة دي بقالها اسبوعين متعبية مياه !!!!!!"
ضحكت على نفسي ، حتى ازازة الفيروز مطلعش فيها فيروز
وانا خارج لفت انتباهي لافته
قولت أنظف من كده !!!!!!!!!!!
12 Comments:
ياعم بس مش للدرجة دي
ونضمن من منين ان دة مطبخ الاخوان؟؟؟؟؟
ومع ذلك الموضوع كويس
نضمن منين !!
انا عارفك ياعمرو مانت الوحيد اللى رديت وقولتلي رديت ههههههه
على العموم ياسيدي لو مش مصدقني متدخلش على مدونتي تاني
ثانيا انت تقدر تروح بنفسك المقر وهوا في شارع المحافظة وتشوف التلاجه بنفسك
ومشكور ياحبي على الرد :)
اهيه التبزير ده
عندنا فى مكتب المهندس سعد الحسينى تلاجتنا بايظة الاخوة بيحطوا فيها الموبايلات
مدونة جميلة
اكرمك الله اخى
معلش يا أدم
فيه ثلاجتين
واحده بيظه
والتانيه أبوظ منها
بس بتسقع
وصحيح مرة شوفت فيها موبيلات
أخ ادم جزاكم الله خيرا على التعليق ونرجوا التواصل
اللهم اصلح تلاجات اخواننا :)
أخ القعقاع جوزيت خيرا على المشاركة ، فعلا التلاجات مكان امن لحفظ الموبايلات عشان موضوع التجسس وكده ، بس الحمد لله مقر الشرقية بقى بث مباشر .
والله يا محمد القناعه كنزاا لايفنى
بين الناس : أخي اسلام نورت المدونة بردك
صحيح
هذا ماعرفته عنهم قبل أن أراهم
وماتعلمته منهم حين رايتهم
جزاك الله خيرا على توضيح احدى الصور التى ربما تغيب عن اعين كثير من الناس
فى أمان الله
تلميذة سلمان الفارسى
مدونة عزى إيمانى
مشعارفه ليه مدونة حضرتك الوحيده اللى كل اما ارد فيها تسجيلى يقول خاطىء فقررت ان ادخل بغير معرف .
ربنا ييسر واعرف ادخل باسم المدونه.
أخت تلميذة سلمان الفارسي
جزاكم الله خيرا على المرور الطيب والتعليق .
------------------------------
بصراحة موضوع الدخول ده ،ممكن حضرتك تسجلى دخول قبل ما تدخلى على المدونة ، وان شاء الله هسأل زمايلي لو بيواجهو نفس المشكلة أغير المدونة،ولو لا فيكفيني مروركم
انت والله العظيم عسل يا بنى ايه الجمال دا يا ابنى امال فلوس ايران فين يا عم الحاج
هههههههههههههههههههههههه
◘◘♥♥♥♥♥♥♥♥ لكل الاخوان
اخي عاوز حقه
فلوس ايران في درج الخيار اللى نسيت أفتحه :)
دمت بخير
Post a Comment