مع الاخوان .... متنكسفش

كل لما تذكر كلمة اخوان الناس تفتكر المشاكل السياسية والاختلافات الفقهية وووووووو...
وبننسى مواقف ما أحلاها بتحصلنا احنا نفسنا مع الاخوان سواء في رحلة أو في زيارة أو ........
النهارده قولت أحكيلكم عن موقف حصلي صخصيا :)

وعشان مطولش .. أخوكم د /أنس الصباح (اخواني وبحب بلادي) متصل عليا الساعه اتنين الظهر بيقولى انت فاضي ؟ قولتله هاتغدى وابقى فاضي :) ، قاللى متتغداش انا هاعدي عليك بالعربيه أخدك تتغدى عندي (بعيد عني خمسة كيلو بس) ، قولتله مفيش مشاكل .

عدى عليا قولتله اشمعنى كده مرة واحده ؟ قاللى عشان عزمت زمايلي وقلبوني والأكل جاهز .

انا قولت نعم الأخ :) ، قابلت د/أحمد زميله(اخوان برضه) لقيته أمر منى :))

أنس قدملنا تلات كبايات عصير ، واحده منهم أكبر من التنين التانيين ، د/احمد اداني الكبيرة أنا انبسطت ، لقيته شرب الكبايتين التانيين ::) ، انس رجع ملقاش كبايته قال والله كنت عايز أشربها جوا :d

على النقيض كنت في تدريب في شركة GUPCO "شركة بترول" ، قعدنا 15 يوم هناك ، واحد من زمايلي بعد أكتر من 13 يوم في شقة واحده ناكل ونشرب مع بعض ، افتكرت اننا كده اصحاب وقولت أعاملهم زي ما بعامل الاخوان ، في يوم لقيت زميل معاه جهاز غريب جيت أمسكه من غير استئذان راح نتشه منى ووقع على الأرض منه ، فبقوله عملت كده ليه ؟ قاللى" انت متمسكوش أصلا !!! "وانا كنت فاكر اننا المفروض بقينا اخوات فقولتله "أسف" ، ساعتها اتعلمت ان الاخوان أقدر أخد عليهم في أقل وقت ولو حتى ساعه ومانكسفش منهم ، أما غيرالاخوان مينفعش أعاملهم زي الاخوان.